ఇక పై OTP ఉండదా? నవంబర్ 1 నుండి TRAI కొత్త రూల్స్..
మీరు Reliance Jio, Airtel, Vodafone Idea లేదా BSNL SIM కార్డ్‌ని ఉపయోగిస్తున్నారా?..అయితే, నవంబర్ 1 నుండి టెలికాం రెగ్యులేటరీ అథారిటీ ఆఫ్ ఇండియా (TRAI) ద్వారా SIM వినియోగదారుల కోసం కొన్ని మార్పులు చేయబోతున్నారు. ఈ నేపథ్యంలో మీకు సమస్య ఎదురవ్వొచ్చు.
నవంబర్ 1 నుంచి OTPలు బంద్?
నవంబర్ 1, 2024 నుండి టెలికాం కంపెనీలు OTPని నిలిపివేయవచ్చు. Airtel, Vi, Jio, BSNL వంటి టెలికాం కంపెనీలు ఆన్‌లైన్ లావాదేవీలు, ఇతర సేవల కోసం ఫోన్ నంబర్‌ల నుండి వచ్చే OTPని ఆపడానికి చర్యలు తీసుకోవచ్చు.
స్కామర్లను నియంత్రించనున్నారు
కొత్త నిబంధన అమలులోకి వచ్చిన తర్వాత..ప్రజలు OTP పొందడం కష్టంగా మారవచ్చు. అయితే, ఈ దశ పెరుగుతున్న స్కామ్‌లు, మోసాలను నిరోధించవచ్చు. TRAI కొత్త నిబంధనల ప్రకారం..స్పామ్ నంబర్లను బ్లాక్ చేయాలని టెలికాం కంపెనీలు ఆదేశించాయి. ఈ క్రమంలో కంపెనీలు తమ సిమ్ వినియోగదారులకు సందేశం చేరకముందే సందేశాన్ని స్పామ్ జాబితాలో ఉంచడం ద్వారా నంబర్‌ను బ్లాక్ చేయవచ్చు.
నవంబర్ 1 నుంచి ఈ నిబంధన అమల్లోకి రానుంది
డేటా ప్రకారం..భారతదేశంలో ప్రతిరోజూ 1.5 నుండి 1.7 బిలియన్ సందేశాలు పంపబడుతున్నాయి. కొత్త రూల్ ప్రకారం..మెసేజ్‌లను బ్లాక్ చేయడానికి టెలికాం ఆపరేటర్ల సన్నాహాలు పూర్తయ్యాయి. కానీ, టెలిమార్కెటర్లు, కీలక సంస్థలు (PEs) కొన్ని పనులు పూర్తి చేయలేదు. ఇలాంటి పరిస్థితుల్లో టెలికాం కంపెనీలు రిజర్వ్ బ్యాంక్ ఆఫ్ ఇండియాను మరికొంత సమయం కోరాయి. డిసెంబర్ 1 నుంచి నిబంధనలను పూర్తిగా అమలు చేస్తామని, ఆ తర్వాత మోసం లేదా స్కామ్ సందేశాల ద్వారా వచ్చే OTPలను నిషేధించవచ్చని టెలికాం కంపెనీలు చెబుతున్నాయి.
ఇక చూస్తే గత కొన్ని సంవత్సరాలుగా OTPకి సంబంధించిన అనేక కేసులు నమోదయ్యాయి. అంతేకాకుండా లింక్‌లు, యాప్‌లు వెబ్‌సైట్‌ల ద్వారా ఆన్‌లైన్ మోసానికి చాలా మంది బాధితులుగా మారారు. వీటిని దృష్టిలో ఉంచుకుని సైబర్ పోలీసులు, ప్రభుత్వం చిట్కాలు జారీ చేసింది.
